GJKKO vendosi masën e sigurisë arrest me burg për Selim Çekajn, babain e Arbër Çekajt, në kontenierët e kompanisë së të cilit u gjetën 49 kg kokainë.
Nga raportimet mësohet se gjatë seancës, SPAK kërkoi lehtësimin e masës së sigurisë nga “arrest me burg” në “arrest shtëpie”. Por Gjykata ka lënë në fuqi masën e arrestit me burg.
Avokati i Selim Çekajt ka kontestuar vendimin e GJKKO, duke u shprehur se nuk ka prova që klienti i tij të jetë i implikuar.
“Kjo është një masë ekstreme, pasi është mbi 70 vjeç dhe është i sëmurë. Janë argumente të avancuara për të ndryshuar masën e arrestit”, tha avokati.
Dosja në SPAK për Selim Çekaj kaloi pasi prokuroria e Durrësit shpalli moskopetencën.
