Pas dy sezonesh, një titulli kampion të fituar, 95 ndeshjeve dhe 64 golave të shënuar, merr fund zyrtarisht aventura e Romelu Lukalut te Interi.
Një bomber i vërtetë në fushë por që në fakt vendosi personalisht të largohej për të marrë revanshin në Premier League me fanellën e Chelseat.
Sipas raportimeve më të fundit, Inter dhe Chelsea kanë arritur një akord total për kalimin e belgut në Premier League për 115 mln euro cash, pa asnjë lojtarë tjetër të përfshirë në operacion.
Lukaku ua kishte bërë të qartë drejtuesve se ka pranuar ofertën e tyre dhe se klubi gjithashtu duhet ta linte të largohej pasi atje do të pérfitojë më shumë sigurisht, 12 mln euro neto në sezon.
Janë shumë arsye që e kanë shtyrë sulmuesin të largohet por që kur iku Conte u kuptua qe edhe projekti i Suning mori fund e pas trajnerit ikën dy më të mirët, Hakimi dhe Lukaku.
Pritet që Interi të blejë Zapatan për 40 mln euro si pasuesin e Lukakut por që kolumbiani realisht nuk është në nivelin e belgut. Gjithsesi, Interi merr fryme nga ana financiare por humbet shumë nga ana sportive, teksa edhe ky kapitull i Lukakut mbyllet në Serinë A.
