Gazeta Koha Jonë me botues Nikoll Lesin, në një kryeartikull të saj, i kërkon Kryetarit të PD-së Lulzim Basha, që të flasë publikisht lidhur me përplasjen mes ish-Kryeministrit Sali Berisha dhe Ambasadores amerikane, Yuri Kim.
Në artikull shkruhet se “kryetari i PD-së ka detyrimin politik, por edhe qytetar, të dalë publikisht e të shpjegojë se cili është qëndrimi i tij dhe i PD-së”.
“Përplasja për jetë a vdekje politike e Sali Berishës, ish-lider i PD-së dhe ish-kryeministër i Shqipërisë, me ambasadën amerikane në Tiranë, kërkon një shpjegim publik dhe zyrtar nga ana e PD-së.
Ambasadorja amerikane, pra SHBA, mbetet e vendosur se Sali Berisha nuk duhet të futet deputet nga Lulzim Basha. Ish-kryeministri Berisha deklaron se do futet në parlament si deputet i PD.
Lulzim Basha ka takuar ambasadoren amerikane Yuri Kim. Por nuk ka folur për publikun dhe as për partinë e tij!
Sali Berisha thotë se Lulzim Basha i ka thënë se ka kërkuar fakte nga SHBA.
Yuri Kim foli!
Sali Berisha flet!
Lulzim Basha hesht!”, shkruhet në kryeartikullin e gazetës me pronar Nikoll Lesin.
