Ambasadorja e SHBA-së në Tiranë, Yuri Kim, i kërkoi dy partive më të mëdha në vend, PS e PD, që të bënin kompromis për të mirën e vendit. Gjithashtu Kim iu kërkoi kryetarëve të partive që të rishohin lista e deputetëve në Parlamentin e ardhshëm, por edhe të shohin përtej interesave të ngushta partiake.
Lidhur me sugjerimin e diplomates amerikane, ka reaguar ish-deputeti socialist Taulant Dedja.
Ai shkruan në rrjetet sociale se kompromisi le të fillojë me dorëheqjen e Ramës, dhe më pas të krijohet një Qeveri teknike dhe vendi të bëjë zgjedhjet vendore dhe të përgjithshme.
“Kimi thotë kompromis Rama-Basha për të mirën e Shqipërisë. Dakord. Kompromisi le të fillojë me dorëheqjen e Ramës. I forti lëshon i pari. Pastaj qeveri teknike me mbështetje PS-PD. Pas 1 viti zgjedhje lokale, pas 2 vitesh zgjedhje kombëtare. Detajet i saktësojmë në vazhdim…”, shkruan Dedja.
