Aktori, producenti dhe moderatori Ermal Mamaqi ka treguar përmes një postimi në Instagram një ndodhi që e ka parë vetë në Durrës, midis dy djemve që janë zënë me grushta.
Ermali tregon se një prej djemve po hynte në det kurse tjetri po dilte. Mes tyre ka plasur grushti për shkak se njëri prej tyre ka lagur tjetrin. Ndërkohë njerëzit bënin foto e video.
“Histori plazhi pa femra. Dy djem në det. Njëri po dilte, tjetri po hynte. Kërciti grushti. Donin të mbysnin njëri-tjetrin. Asyeja ishte se njëri lagu tjetrin. U rrahën keq. Njëri, ai që u rrah më shumë, u betua se do ta vriste këtë tjetrin që u rrah më pak. Të tjerët bënë foto dhe video. Mesa duket të dy ishin brenda në det për t’u larë, por njëri nuk donte të lagej. Dhe kështu fillon një tjetër histori pretendente për të hapur lajmet në Shqipëri. Histori e shkurtër e jetuar nga unë në Durrës”, shkruan Ermali.
