Është mbyllur në barazim pa gola pjesa e parë mes Shamrok Rovers dhe Teutës, takim i vlefshëm për raundin e tretë të Ligës së Konferencës.
Ndeshje e qetë në Dublin për sa i përket 45 minutave të para ku rastet për shënim kanë qenë të pakta. Kërcënimi i parë i irlandezëve erdhi në minutën e 20-të, me anë të Mandroiu, por tentativa e tij u ndal mjaft bukur nga Stivi Frashëri.
Ndërkohë rasti më i rrezikshëm për kampionët e Superligës shqiptare u shënua në minutën e e 39-të me anë të Taulant Seferit, por tentativa e sulmuesit të Kombëtares, u ndal nga mbrojtësit e Shamrok.
