Sulmuesi i Partizanit Stenio Junior shkëlqeu me ‘’demat’’ në Ligën e Konferencës duke arritur të shënojë 4 gola në po kaq takime.
Nëse i hedh një sy tabelës së statistikave të lojtarëve më të mirë të turneut deri tani, lehtësisht bie në sy dhe prania e emrit të brazilianit. Junior zhvilloi performanca fantastike në ‘’Elbasan Arena’’ në fitoren 5-2 të Partizanit ndaj moldavëve të Sfintul në turin e parë duke realizuar dopietë dhe duke dhënë dy asist.
Edhe në ndeshjen e kthimit Junior u bë protagonist duke shënuar dopietë. Në dy sfidat ndaj Baselit, 27-vjeçari nuk mundi të jetë protagonist duke humbur disa raste të pastra për shënim, por gjithsesi emri tij mbetet në listën e lojtarëve më të mirë të turneut.
