Detaje të reja janë zbuluar për aksidentin e rëndë që ndodhi rreth orës 09:15, në fshatin Bujës në Elbasan, ku si pasojë humbi jetën një 3-vjeçar.
Burime për Top Channel bëjnë me dije se nëna e fëmijës, që ishte duke drejtuar mjetin, e ka pasur atë në prehër, në momentin kur ka ndodhur përplasja fatale me një shtyllë.
Nga raportimet mësohet se nëna Oltja Maloku, e cila drejtonte mjetin, është në gjendje të rëndë.
“Më datë 05.08.2021, rreth orës 09:15, në fshatin Bujqës, Elbasan, shtetasja O.M., 38 vjeçe, banuese në fshatin Mengël, Elbasan, duke drejtuar mjetin tip “Ford”, ka humbur kontrollin e mjetit duke dalë nga rruga dhe për pasojë ka humbur jetën shtetasi D.M., 3 vjeç, i cili ishte pasagjerë në këtë mjet. Grupi hetimor ndodhet në vendngjarje dhe po punon për zbardhjen e shkakut të aksidentit”, ka njoftuar policia.
