Merkato vijon e nxehtë këtë fillim gushti. Te Tirana lakohet emri i Kristal Abazaj, me trajnerin Shehi që është shprehur se e mirëpret anësorin nga Tropoja.
Edhe pse për momentin gjithçka duket e vështirë për një transferim të tillë, shtypi i shkruar bën me dije se në garë për 25 vjeçarin është futur edhe Partizani.
Derbi në kryeqytet për shërbimet e Abazaj, me Istanbulspor që kërkon 400 mijë euro për kartonin e lojtarit. Si një tifoz bardheblu, Abazaj e ka shprehur edhe më herët se e sheh të ardhmen te Tirana, teksa gjasat janë që një kalim te 25 herë kampionët e vendit mos ndodhë këtë merkato, me lojtarin që ka kontratë deri në 2023 me klubin turk.
