Niko Paterni është rikthyer te Dinamo. Mbrojtësi për një muaj ishte nën urdhërat e Ilir Dajës te Partizani, pa ia dalë të bindë trajnerin për të firmosur një kontratë me “Demat”. Italiani që sezonin e shkuar e mbylli me Dinamon, është rikthyer te Nëndetësja që për disa ditë ka vendosur të “ankorohet” në Pogradec.
Mbrojtësi ka vijuar stërvitjen, teksa shpreson të bindë trajnerin Bledi Shkëmbi për të firmosur një kontratë të re. Paterni për dy vite me Blutë ka dhënë një kontriubut të rëndësishëm, teksa te Dinamo është në provë edhe mbrojtësi nga Mali dhe i rritur te Torino, Ali Samake.
