Sara dhe Jasmina, gjatë pjesëmarrjes në “Për’puthen”, u zunë për Andi Artanin dhe marrëdhëniet e tyre u tensionuan shumë. Jasmina u bë xheloze për takimin e Sarës me Andin, ndaj mes vajzave nisën thumbat e ofendimet. Madje, ato u hoqën nga rrjetet sociale dhe sa herë i duhej të përballeshin, përplasjet ishin të ashpra.
Mirëpo ofendimet u harruan dhe marrëdhënia u rregullua sërish mes vajzave. Së fundmi, ish-konkurrentet habitën ndjekësit me një foto të publikuar në ‘InstaStory’ ku Sara shkruan se i mungon Jasmina krahas një fotoje të realizuar gjatë kohës së xhirimeve të programit.
Kujtojmë se edhe më herët, ky ndryshim i papritur i ka bërë përshtypje ndjekësve, të cilët i kanë pyetur shpesh dy vajzat. Ndaj, Jasmina ka dhënë njëherë e mirë një përgjigje për marrëdhënien e tyre ‘të çuditshme’.
“Unë kisha nj. pyetje. Si fillim je nona vetë, por ti me Sarën sikur ishe zenë, nuk flisje, tani bashkë në foto.”- i shkruan dikush, ndërsa Jasmina ia kthen: “A mundem unë të kem të drejtën të zihem e pajtohem me dikë? Po, e kam. Sa jam e papjekur aq jam edhe e logjikshme. Papjekuria sjell veprime dhe fjalë të nxituara, logjika sjell zgjidhje. Unë ja gjeta anën edhe @iamsaramalaj, më falni që ‘ju preva në besë”.
