Në Greqi gjatë 24 orëve të fundit janë evidentuar 2156 raste të reja me Covid, 500 raste më shumë se ato të raportuara një ditë më parë. Ndërkohë që ka pasur një rritje edhe të numrit të pacientëve që hospitalizohen, por edhe të rasteve që kalojnë në intubim.
Sipas shifrave të publikuara nga Organizata Kombëtare për Shëndetin Publik (EODY) në buletinin e saj të përditshëm mbi pandeminë të hënën, 8 humbje jete u raportuan në 24-orët e fundit.
EODY raportoi 167 shtrime në spital të hënën nga 163 të raportuara një ditë më parë.
“Shteti po bën më të mirën që mundet, por ka edhe çështjen e përgjegjësisë personale dhe llogaridhënies sociale,” tha zëvendësministri për Mbrojtjen Civile Nikos Hardalias, duke komentuar numrin e lartë të rasteve të reja.
Sipas tij, numrat e rasteve janë shumë të larta dhe ka zona me një ngarkesë jashtëzakonisht të lartë virale.
