Disa banorë të Elbasanit janë mahnitur mbrëmjen e kaluar kur mbi qiellin e Kodër Krastës kanë parë një objekt të çuditshëm. Një eksperiencë që kurrë nuk e kishin përjetuar më parë. Mjaft prej tyre realizuan edhe foto e video për të provuar edhe njëherë se jashtëtokësorët, ose të paktën objektet e tyre, janë duke vizituar tokën.
Dëshmitarët tregojnë se ishin duke pirë kafe në një lokal në afërsi të Krastës kur rreth orës 23:00 e natës kur befas nga Kodër Krasta u ngrit një objekt me ndriçim të veçantë. Objekti ka qëndruar për disa sekonda ashtu e më pas u zhduk në errësirë. Të gjithë sa kanë qenë aty janë ngritur në këmbë duke thërritur “Ufo, Ufo”. Madje disa të frikësuar kanë lënë edhe lokalin.
Korrespondenti i Klan News në Elbasan, Fatos Salliu, i cili ka siguruar pamjet raporton se dëshmitarët kanë realizuar disa foto e video me këtë objekt duke treguar edhe njëherë se në fakt eksperienca të tilla po bëhen gjithnjë e më të shpeshta dhe falë teknologjisë edhe po filmohen./ Klan News
