Një sherr mes kushërinjve në fshatin Dushk të Belshit, ku janë përdorën dhe mjete të mprehta, ka përfunduar me plagosjen e dy personave.
Policia njoftoi se ngjarja ndodhi rreth orës 08:35, kur shtetasit B.M., 60 vjeç, dhe Sh.M., 66 vjeç, ( kushërinj) për motive të dobëta kanë goditur njëri-tjetrin me sëpatë.
Për pasojë, të dy janë plagosur dhe janë transportuar në Spitalin Rajonal Elbasan, për ndihmë mjekësore. Raportohet se ndodhen jashtë rrezikut për jetën.
Grupi hetimor vijon punën për dokumentimin e plotë të rrethanave të ngjarjes, njoftoi policia.
Një ditë më parë, në një fshat në Lushnje, një sherr mes kushërinjsh për motive pronësie, solli vrasjen e një 30-vjeçari dhe plagosjen e tre personave të tjerë.
