Në orën 21:00, në stadiumin “Loro Boriçi”, Vllaznia do të pres qipriotët e AEL Limasolit për të luajtur sfidën e kthimit në Konferencë Ligë.
Si në sfidën ndaj Shirokit, të pranishëm në stadium do të jetë rreth 30% e kapacitetit me shkodranët të cilët do të kenë në favor tifozerinë e tyre.
Interesimi i mbështetësve ka qenë mjaft i madh, teksa zyra e shitjes së biletave ka nxjerrë një njoftim në xham ku lajmëron të gjithë të interesuarit se nuk ka asnjë biletë të mbetur. Sipas gjasave, janë shitur mbi 6 mijë bileta, dhe për Vllazninë ky do të jetë plus për të bërë paraqitje sa më pozitive.
Kujtojmë që ndeshja e parë u mbyll 1-0 në favor të qipriotëve.
