Lady Kitty Spencer, mbesa 30-vjeçare e princeshës së ndjerë Diana, u martua me biznesmenin 62-vjeçar, Michael Lewis, në një kështjellë të shekullit të 17-të në fundjavë, por në ditet para dasmës ajo kishte shëtitur nëpër Firence duke u zbavitur me shoqet e ngushta.
Siç zbulohet së fundmi grupi kishte bërë një turne me makinë rreth zonave vreshtore italiane, ku një prej pronarëve kishte realizuar fotot.
Kitty me shoqet kishin pozuar në motoçikleta dhe kishin ndaluar në bujtinën e familjes Luiano në rajonin verë-prodhues të Chianti. Aty pronari kishte pikasur nusen bukuroshe dhe e kishte njohur nga mediat se kishte një të ftuar VIP.
Alessandro shkruante në rrjetet sociale: “Ne gjithmonë mirëpresim nuset nga e gjithë bota, por u nderuam për nusen speciale Kitty që pritëm për celebrimet e saj paramartesore! Mezi presim nuse të tjera në Luiano!”
Pas gati një javë festë me shoqet, Kitty nisi eventet zyrtare të martesës, me provën e përgjithshme të dasmës në Galleria Del Cardinal, ku priten darkat e mëdha në Romë. Ndërsa martesa u zhvillua në vilën Villa Aurelia që jepet me qera rreth 25,000 euro në ditë, me pamje panoramike të Romës.
