Laçi zhvilloi një tjetër ndeshje të madhe ndaj Universitatea Craiova, ku e mbylli në barazim pa gola duelin e kthimit të raundit të dytë të Conference League dhe siguron një kualifikim historik falë fitores 1-0 në “Elbasan Arena” një javë më parë.
Tashmë skuadra e Laçit do të luajë me belgët e Anderlehtit në turin e tretë të Ligës së Konferencës. Ndeshja e parë do të luhet në Elbasan më 5 gusht, ndërsa takimi i kthimit do të zhvillohet më 12 gusht.
Te skuadra e Anderlehtit ka luajtur diku ish-kapiteni i Shqipërisë, Besnik Hasi. Ky i fundit punoi edhe si trajner te gjigantët belgë duke fituar titullin dhe duke u shpallur trajneri i vitit në sezonin 2015-2016.
