Miqësorja e sotme mes Portos dhe Romës duhej të ishte një mundësi që të dy skuadrat të shihnin se ku janë me përgatitjet për edicionin e ri. Por në ndeshjen ku Murinjo drejtonte verdhekuqtë ndaj skuadrës ku mori famë, protagonisti u bë një nga të besuarit e tij në vitet kur drejtonte Real Madrid, mbrojtësi Pepe.
Në pjesën e dytë të ndeshjes, edhe pse bëhej fjalë për një miqësore, Pepe vendosi që të ndalte në mënyrën e tij Mkhitarian, duke u përplasur dhunshëm me fantazistin e Romës.
Ky i fundit u kundërpërgjigj pasi u rrëzua në tokë dhe në ato momente nisi sherri në fushë mes lojtarëve të të dy skuadrave, në momente të panevojshme tensioni që përfunduan pas ndërhyrjes së pjesëtarëve të stafeve teknike.
https://www.youtube.com/watch?v=7NIouH77Uzk
