Jurgen Bardhi do të largohet nga Partizani pas ndeshjes ndaj Bazelit. Të kuqtë do të luajnë ditën e enjte sfidën e kthimit në “Elbasan Arena”, ndërsa kanë një mision të vështirë kualifikimi pasi janë mundur 3-0 në takimin e parë.
Për Bardhin kjo do të jetë sfida e fundit me Partizanin pasi ditën e premte do të niset drejt Turqisë. Sulmuesi ka arritur prej ditësh akordin me Bulospor, skuadrën e ligës së parë turke dhe pritet vetëm zyrtarizimi.
Te kjo skuadër, 23-vjeçari do të gjejë edhe dy shqiptarët e tjerë, Gentian Selmanin dhe Dejvi Bregun që firmosi pak javë më parë.
