Kreu i PD, Lulzim Basha ka reagaur pas dhunës së policisë ndaj gazetarit Ergys Gjençaj ndërsa po zhvillohej një operacion në ‘Varrin e Bamit’.
Përmes një postimi në twitter Basha dënon rëndë aktin e dhunës ndaj gazetarit ndërsa shton se ky është një produkt i modelit Rama.
Postimi i plotë i Bashës:
Dhunimi i reporterit Ergys Gjençaj është një akt i turpshëm që duhet dënuar me forcë nga të gjithë. Brutaliteti ndaj gazetarit në detyrë duhet hetuar dhe personat përgjegjës duhet të mbajnë përgjegjësi para ligjit. Represioni dhe dhuna ndaj gazetarëve…
2/2 …është produkt i modelit Rama që kërkon të zhbëjë të vërtetën me propagandë, korrupsion dhe dhunë. Kjo konfirmohet edhe nga raporti I fundit i OSBE/ODIHR. Dhuna ndaj gazetarëve dhe lirisë së mediave është dhunë ndaj demokracisë dhe lirive të çdo qytetari.
