Tetë pjesëtarë të një grupi kriminal, shqiptarë dhe grekë, u arrestuan nga policia spanjolle në kuadrin e një operacioni kundër trafikut të drogës.
Operacioni u shtri në qytetin e Malagas në Spanjë. Operacioni i koduar ‘Klithma’ i organizuar nga Garda Civile, goditi grupin kriminal i cili kultivonte marijuanë të brendshme në shtëpitë në provincën e Malaga.
Hetimi filloi pasi agjentët ranë në gjurmët për ekzistencën e një shtëpie të izoluar në qytetin Torrox ku mund të kishte një plantacion të marijuanës brenda.
Pas disa pyetjeve, ata zbuluan se rreth shtëpisë kishte lëvizje të çuditshme të njerëzve që hynin dhe dilnin nga ferma me automjete të ndryshme me qira.
Si rezultat i operacionit janë sekuestruar edhe 1 000 bimë marijuanë, 3 automjete, dokumentacione dhe materiale të ndryshme për kultivimin dhe përpunimin e lëndës narkotike.
Të arrestuarit iu dërguan autoritetit gjyqësor, i cili caktoi masën arrest me burg për të gjithë ata.
