Pjesëtari i stafit mjekësor të Vllaznisë, Ilirjan Haxhaja, ka bërë një mesazh jo pak thumbues në rrjetet sociale.
“Puna e mjekëve në Shqipëri nuk vlerësohet shpesh nga shumë persona, trajnerë e me radhë. Por, ne e kemi fatin që kemi edhe njerëz të mirë që na përkrahin punën tonë”, shkruan fioziterapsisti, Haxhaja, duke iu referuar një fotoje të publikuar me sekretarin e klubit, Blendi Dibra, ku gjithashtu ishin mjekun Zydi Çoba dhe fizioterapisti Brian Ferhati.
“Vlerësoni stafet mjekësore o drejtues, trajnerë, lojtarë në gjithë Shqipërinë”, shkruante më tej Haxhaja.
Nga sa mësohet, ka pasur qejfmbetje për shpërndarjen e premios prej 50 mijë eurosh pas kalimit të turit të parë, nga ku stafi mjekësor ka përfituar më pak se të gjithë.
Statusi i mjekut Ilirjan Haxhaja
Stafi Mjeksor K.F.Vllaznia. Puna e mjekëve në Shqipëri nuk vlerësohet shpesh ,nga shumë persona, trajnera, e më rradhë. Por ne e kemi fatin që kemi dhe njerëz të mirë që na përkrahin punën tonë. Flet vet kjo foto mbas ndeshjes, dhe pse ekipi humbi, ky erdhi na mblodhi, na falënderoj për punën e bërë. Strategu Blendi Dibra të falenderoj nga zemra, që je ai që na mbështet, si dhe Presidenti Alban Xhaferi . Doktorat mund mos vlerësohen, por një ditë të vjen që të thuash o nanë me sill doktorin. Vlerësoni stafet mjekësore o drejtuesa, trajner, lojtar në gjithë Shqipërin, Dhe një falenderim të veçantë më shkon për Mevlan Adili që më uron për punën një mij herë. Dhe për Tifozat tanë që na urojnë për punën tonë . Foto nga mjeshteri Mikel Thepina faleminderit
