Kanë luajtur së bashku te Elbasani, kanë shkëlqyer dikur me verdheblutë duke arritur të fitonin titullin kampion mes një gare të vështirë me Partizanin.
Arlind Nora dhe Skerdi Bejzade, dy ish-sulmuesit që shkëlqenin dikur në kampionatin shqiptar vijojnë të tregojnë se mbeten ende miq të mirë. Edhe pse larg me njëri-tjetrin, ish-anësori i djathtë dhe sulmuesi “pykë” shkëmbejnë mes tyre batuta duke tërhequr vëmendjen e ndjekësve.
Në një foto të postuar në facebook nga Bejzade, Nora komenton me batutë: “Unë do kem qenë duke festuar me Ilir Dajën se isha servil”, përfundon me të qeshur gjirokastriti. Komentet mes miqve vijojnë ndërs Bejzade ia kthen: “Nora kafshë luante sulmues. Po unë e Dalipi aty veç dilnim para e u detyrua Nora të luante në krah. Plus që vraponte dhe driblonte në krah. Topa na jepte, kështu që u thurëm në atë farë feje, që u bë grupi i fortë, edhe me harmoni, prandaj patëm sukses”.
Ish-sulmuesi gjirokastrit godet sërish duke shkruar: “Skerdi Bejzade, një status bën ti, bëhet lëmsh facebook-u dhe portalet. Ik mor na lër rehat, se me mik ka luajtur te Elbasani. I bija djathë Gjirokastre Ilir Dajës që më fuste në formacion. Dhe ma gjeti vendin djathtas, se i vetmi konkurrent aty ishte Tetova”, përfundon duke qeshur sërish 41-vjeçari.
