Nuk mund të ishte ndryshe. Bomberi polak, Robert Lewandowski është shpallur lojtari i vitit në Gjermani pas një sezoni fantastik me një “mal” me gola të realizuar duke ndihmuar Bayernin të fitojë titullin e 31 në histori.
Ishin plot 41 gola, një shifër e jashtëzakonshme ajo që realizoi Lewandowski në Bundesliga sezonin e kaluar teksa theu një rekord që zgjaste prej vitesh nga Gerd Muller me 40 gola në një sezon.
356 gazetarë sportivë në Gjermani nga 563 në total votuan për lojtarin polak teksa i dyti ishte një surprizë, Thomas Muller në vend të Erling Haaland i cili ishte i treti në renditje.
Ish trajneri i bavarezëve, Hansi Flick përgëzoi menjëherë polakun për çmimin pasi tha se i vetmi që e meritonte ishte sulmuesi që bëri mrekulli sezonin e kaluar ndërsa vet 32-vjeçari u shpreh se është moment krenarie për të kur mendon që e ka fituar 2 herë radhazi këtë çmim prestigjoz.
