Një pikë furnizimi mjetesh me karburant në periferi të Shijakut është grabitur këtë të Shtunë.
Persona ende të paidentifikuar nga policia i kanë marrë paratë e xhiros ditore një punonjësi të karburantit.
“Në Fllakë, disa persona ende të paidentifikuar të cilët qarkullonin me një mjet, pasi kanë ndaluar të furnizojnë mjetin në një pikë karburanti, i kanë marrë xhiron ditore shtetasit E. G., 25 vjeç, banues në Durrës, (punonjës) dhe janë larguar”, njoftoi policia.
Grupi hetimor ka bërë sekuestrimin e kamerave të sigurisë dhe evidentimin e çdo prove materiale e cila do të çojë në identifikimin dhe kapjen e autorëve, shtuan të njëjtat burime.
