Epidemiologu i njohur Ilir Alimehmeti jep lajmin e mirë, bazuar te studimet e fundit, sipas të cilave, ato që kanë kaluar njëherë Covid-19, pra kanë imunitet natyral, kanë pak gjasa të ri-infektohen nga varianti Delta, që po mbizotëron në disa shtete të Botës.
“Vaksinimet kanë ecur dhe ka një ndarje të kurbës së rasteve të reja. Të vaksinuar kanë klinikë të lehtë. Të pa vaksinuarit janë të rinjtë dhe e kalojnë më lehtë dhe kjo tendencë ka shkëputje më të madhe. Na bën të shpresojmë për mirë”, shprehet Alimehmeti, ndërsa i referohet edhe studimit indian, vend nga ku nisi mutacioni i ri i Covid-19, “Delta”.
“Një publikim indian, në këto 8 muaj infektimi i mëparshëm ka 97.7 % dhe mbron dhe infektimi i mëparshëm mbron shumë deri në 100% për format e rënda”, shprehet Alimehmeti.
Zyrtarisht në Shqipëri nuk ka raportime lidhur me qarkullimin e variantit Delta, ndërsa ka njv shtim të lehtë të rasteve, çka nuk përjashton mundësinë që ai mund të qarkullojë, sikundër ka ndodhur në shumë vende, madje edhe në ato fqinje si Kosovë, Maqedoni dhe Greqi.
