Mario Balotelli dhe nëna e djalit të tij, Clelia, janë përfshirë në një debat virtual me njëri-tjetrin. Ish-çifti, prindër të Lion, janë përplasur në rrjetet sociale me njëri-tjetrin dhe sherrin e filloi futbollisti me publikimin e një statusi ku i hidhte kunja ish-partneres.
“Ligji duhet të ndalojë gratë interesaxhie që të bëjnë fëmijë kundër vullnetit të burrave, vetëm për ti marrë paratë. Kjo është djallëzore, e trishtueshme dhe e pamoralshme”- shkroi ai.
Më pas në një tjetër postim shtoi: “Fëmija lind nga dashuria dhe jo nga interesi. Nëse jeni beqare, doni të argëtoheni dhe s’mund të siguroni të ardhura, atëherë mos përdorni palë të treta si bankomat. Edhe nëse ligji ndonjëherë nuk është i drejtë, Zoti është… Dhe dënimi do të jetë i përjetshëm në fund të fundit.”
