Ryan Giggs goditi me shkelm në kurriz dhe më pas e dëboi lakuriq nga një dhomë hoteli ish të dashurën e tij gjatë marrëdhënies abuzuese 3-vjeçare me të.
Kjo ishte dëshmoi që tronditi një gjykatë britanike, ku ish-asi i Manchester United, sot 47 vjeç po përballet me akuzat e dhunës dhe abuzimeve ndaj ish-partneres së tij, Kate Greville, 36 vjeç.
Giggs akuzohet për dhunë fizike e psikologjike. Trajneri i Uellsit akuzohet gjithashtu për sjellje mbikëqyrjeje, përndjekjeje dhe abuzive gjatë marrëdhënies me Kate, që zgjati nga nëntori 2017 deri në nëntor të 2020.
Ish-futbollisti akuzohet edhe për dhunë ndaj motrës së Kate, Emma Greville, të cilët thuhet se e ka sulmuar më 1 nëntor të vitit të kaluar.
Vetë Giggs mohoi akuzat dhe tha se do të vazhdojë deri në fund betejnë për të pastruar emrin e tij.
Sipas dëshmisë së dhënë në gjykatë, Giggs dyshohet se ka goditur Kate në kurriz gjatë një zënke në hotelin Stafford në Londër. Më pas, ai i hodhi çantën e saj dhe e nxorri jashtë dhome lakuriq, pasi Kate e kishte akuzuar se po flirtonte me femra të tjera.
Ish-anësori i United dhe Uellsit akuzohet edhe për kërcënim të Kate përmes mesazheve në postën elektronike, si dhe për ngacmim të miqve dhe kolegëve të saj në punë, të cilëve u rrëfente jetën e tyre seksuale.
Në një moment, sipas dëshmisë, kur Kate kërkoi që të ndahej prej tij, Giggs e përndoqi atë në palestër, punë dhe shtëpi.
Policia zbarkoi më 1 nëntor të vitit të kaluar në vilën 2 milionë euroshe të Ryan Giigs pas telefonateve që kishte marrë nga fqinjët e çiftit për zhurma e zënka. Aktualisht, Giggs është në liri me kusht dhe nuk duhet të kontaktojë as Kate dhe as Emma Greville, apo të shkojë në ndonjë nga adresat ku janë ato.
Ish-futbollisti u zëvendësua nga Robert Page në krye të Uellsit në europian, ndërkohë që nuk do ta drejtojë dot skuaadrën as për kualifikueset për botërorin, që luhen në shtator dhe nëntor.
