Janë mbyllur pjesët e para të ndeshjeve të turit të dytë të Conference League të tre ekipeve shqiptare, Teutës, Laçit dhe Vllaznisë.
Teuta po luan në “Niko Dovana” me Inter Escaldes, teksa ka zhgënjyer në pjesën e parë.
Skuadra modeste nga Andorra udhëheq 1-0 me golin e shënuar në minutën e 37-të nga Soldevila.
Laçi po bën surprizën në “Elbasan Arena” ndaj Universitatea të Krajovës.
Bardhezinjtë e mbyllin në avantazh fraksionin e parë të lojës, me golin e realizuar në minutën e 36-të nga Zarubica.
Vllaznia po humbet 1-0 në transfertë me AEL Limasol, teksa në minutën e dytë shtesë të pjesës së parë është ndëshkuar nga qipriotët.
