Këngëtari i njohur, Genc Prelvukaj, ka reaguar ashpër në rrjete sociale në lidhje me dy shqiptarët nga Kosova, njëri me ‘Lamborghini’ e tjetri me ‘BMW’, që ecnin me shpejtësi ‘skëterrë’ prej 225 kilometrash dhe nuk i ndaluan radarit të policisë në Fier. Pas ndjekjes, ata u kapën në hyrje të Vlorës.
Me anë të një postimi në “Facebook”, Prelvukaj shprehet se këta shoferë duhet që t’i nënshtrohen testeve mjekësore për t’u përcaktuar nëse janë normalë apo jo.
Postimi i plotë i këngëtarit:
“Këta duhet fillimisht të dërgohen në kontrollë mjekësore pastaj nëse rezultojnë normal të hapet proces gjyqësor dhe të zbatohen dënimet maksimale. Dy mije e treqind janë shumë pak.
I japin makinave (të cilat i paskan marrë me rent) 230km në orë, në rrugë të kufizuara në 80km. Shpërfillin policinë e Shqipërisë duke ikur dhe mos ndaluar në kontroll. Rrezikojnë për vdekje njerëz tjerë”, u shpreh këngëtari.
Ironia është që shoferët ishin shqiptarë të Kosovës, rreth të dyzetave, me banim të përhershëm në Zvicër, të cilët i nënshtrohen me perpikmeri rregullave atje. Rruga e tyre për të ardhur bie nga Serbia ose Mali i Zi. Të provojne ti japin makinës atje në kete menyre dhe te ikin nga kontrolli i policisë!
Turp i madh. Nderojnë rregullat e shteteve të huaja, ndër ta edhe të shteteve me armiqësi ndaj nesh dhe poshtërojnë uniformën e Shqipërisë dhe Kosovës, shtete prej nga janë me origjinë. Plus rrezikojnë fëmijet, gratë e burrat e gjakut të tyre.”
