Trajneri Ilir Daja e ka thënë dhe në konferencën e tij të parë për shtyp të këtij sezoni të ri se te Partizani do të ketë disa lojtarë të rinj që do të jenë protagonistë.
Tedi Cara mund të quhet tashmë i konfirmuar, madje deri diku edhe Kristi Kote, që treguan cilësitë e tyre edhe në sezonin e shkuar.
Ndërsa këtë sezon, të tjerë lojtarë të rinj i janë bashkuar ekipit. Në takimin e kthimit kundër Sfintulit, dëbuan tre lojtarë.
Rrapaj debutoi që në sfidën e parë ndaj ekipit moldav, por luajti vetëm pak sekonda, ndërsa në sfidën e dytë luajti si titullar, duke bërë një paraqitje fantastike. Në Moldavi debutuan me fanellën e kuqe edhe Sota e Marinaj. Sota është 23 vjeç, ndërsa Rrapaj dhe Marinaj 19 vjeç.
