Kualifikimi i Partizanit, Vllaznisë dhe Laçit në turin e dytë të Conference League ka rritur jo vetëm optimizmin, por dhe bilancin pozitiv të arkave të klubeve. Mijëra euro të përfitura nga këto 3 skuadra të cilat janë gati të surprizojnë dhe në turin pasardhës.
Si Partizani, Vllaznia dhe Laçi përfituan nga UEFA plot 550 mijë euro në total. Pjesëmarrja në turin e parë të Conference League vlen 100 mijë euro, ndërsa kualifikimi më tej, pra turi i dytë në total vlen 450 mijë euro. Shumë e konsiderueshme kjo për 3 klubet e Superiores që mund të sigurojnë thuajse gjysmën e buxhetit vjetor.
Sakaq edhe Teuta, edhe pse u eleminua nga Champions League, kualifikohet direkt në turin e dytë. “Djemtë e Detit” përfituan 260 mijë euro si kampionë, 280 mijë euro turi i parë në Champions League dhe 450 mijë euro turi i dytë në Champions League. Pra në total plot 990 mijë euro.
Sic shihet pjesëmarrja në Kupat e Europës i jep një “dorë të mirë” klubeve të Superiores që deri më tani kanë përfituar të gjitha bashkë afro 2.6 milionë euro.
