Bedri Greca la Feronikelin në muajin janar pas mosmarrëveshjeve me klubin dhe që nga ajo kohë ai është pa një klub, por gjithashtu nuk ka marrë pagat e paracaktuara në kontratë me klubin nga Drenasi.
30-vjeçari e adresoi këtë çështje në FIFA dhe kjo e fundit i dha të drejtë. Feronikeli sërish nuk i pagoi paratë e nevojshme dhe çështja vazhdoi, teksa tashmë janë marrë edhe masa për këtë veprim të klubit.
Feronikeli nuk mund të federojë asnjë lojtar në këtë merkato. Ky është dënimi që i jep qeveria e futbollit dhe gjithçka do të lirohet deri në shlyerjen totale të parave ndaj ish-anësorit të Tiranës e Laçit.
