Kryetari i Partisë Demokratike, Lulzim Basha foli sërish për “masakër zgjedhore” këtë të Shtunë në Kuvendin Kombëtar të PD, duke iu referuar zgjedhjeve parlamentare të 25 Prillit.
Basha deklaroi se votat u blenë, ndërsa akuzoi se regjimi Rama-Doshi punoi ethshëm për të penguar ndryshimin që shqiptarët donin. Ai tha se sistemi kriminal i patronazhistëve ushtroi presion ndaj qytetarëve, u shkel marrëveshja e 5 qershorit, u bënë nga mazhoranca ndryshime të njëanshme kushtetuese, si dhe u rritën në mënyrë të habitshme fletët e pavlefshme të votimit. Kryetari i PD shtoi se makinat e pushtetit shpërndanin para, Drejtori i Policisë u reshtua me krimin e organizuar dhe pushtetin teksa blinte vota në Elbasan. Ai tha se nga Rama u ricikluan personazhet e dosjeve 339 dhe 184, ndërsa patronazhistë u vendosën trafikantë, duke iu referuar rastit të zjarrfikësit në Bashkinë e Tiranës. Ndërsa Drejtorët e PS, Basha tha se Rama i shiti si kandidatë të partisë së Doshit.
Të gjitha këto manovra, u shpreh Basha, përbënë vjedhjen më të madhe në historinë e pluralizmit.
Kryedemokrati falënderoi kandidatët demokratë të përfshirë në fushatën elektorale të PD, që e cilësoi fushatën më të bukur e europiane që ka njohur Shqipëria. Basha tha se PD kishte programim më të mirë në këto 25 vite.
Gjatë fjalës së tij, kryedemokrati u ndal dhe të opozitbërja e PD, si denoncimet për kanabizimin e vendit, denderat korruptivë, personave të lidhur me krimin pranë mazhorancës, abuzimet me pushtetin, korrupsionin, etj.
Basha shtoi se “misioni ynë është t’u kthejmë qytetarëve të drejtën për të vendosur”. Ai propozoi “Platformën Qytetare për Demokracinë” – një formë bashkëpunimi me profesionistë dhe grupe interesi, me synimin për të sjellë “ndryshime që e bëjnë shoqërinë realisht demokratike dhe e shpëtojnë shtetin nga kapja e një pakice që kërcënon të ardhmen e vendit”. Basha garantoi se PD do luftojë për tu çliruar nga regjimi i korruptuar që ka kapur vendin dhe kthimin e dinjitetit për qytetarët. “Ne do të luftojmë me gjithë forcën tonë kundër këtij regjimi, në të gjitha mënyrat, brenda dhe jashtë parlamentit, brenda dhe jashtë Shqipërisë, derisa kauza e demokracisë dhe e Shqipërisë europiane të ngadhënjejë. Jo sepse kështu duam ne, por sepse e drejta është me ne”, u shpreh. Ai ftoi qytetarët ti bashkohen Partisë Demokratike, “në një rrugëtim për demokracinë, që do tua kthejë Shqipërinë-shqiptarëve”.
Lexo edhe:
Sot Kuvendi i PD, 7500 delegatë të partisë zgjedhin Këshillin Kombëtar
