Rastet ditore të evidentuara me COVID-19 në Greqi janë në nivele shumë të larta. Ditën e sotme ministria e Shëndetësisë së vendit fqinj raportoi se janë zbuluar 2562 të infektuar.
Krahasuar me të premten, që ishin 2691 raste, sot kemi një ulje të lehtë, por sërish shifrat mbeten shqetësuese.
Sa i përket fataliteteve kemi një përgjysmim krahasuar me dje, që ishin 14, sot janë shënuar 7 humbje jete. Greqia që nga fillimi i pandemisë ka regjistruar 12840 vdekje nga koronavirus.
Përballë situatës së krijuar, pra rritjes së rasteve në muajin e fundit, Greqia vendosi që të fuste në karantinë ishullin e VIP-ave, Mykonos për shkak të grumbullimeve të shumta.
Duke nisur nga dita e sotme deri më 26 korrik do të ndalohet lëvizja pas orës 01:00 deri në orën 06:00 të mëngjesit, ndërsa muzika do të jetë e ndaluar në lokale.
