Shtatë persona në Britaninë e Madhe, mes tyre edhe shqiptarë akuzohen për përplasje me armë zjarri mes bandave të drogës.
Të akuzuarit janë paraqitur në gjykatë në Blackburn, ndërsa u tha se objekti i konfliktit ka qenë një shumë prej 220 mijë paund.
Mediet britanike raportojnë se ngjarja për të cilën akuzohen personat ka ndodhur në shkurt, ndërsa Prokuroria në argumentet e saj sqaron:
“Një numër i shtetasve shqiptarë udhëtuan nga zona ‘Cheetham Hill’ e Mançesterit me tre makina dhe pati një “shkëmbim zjarri” në ‘Salus Street’. Si pasojë një person u plagos në këmbë.”
