Formula 1 do të ketë revolucion në Botërorin e ardhshëm. Prej vitit 2022, në pistë do të shfaqet një model i ri i njëvendësheve, që vjen me risi jo vetëm në dizajn por edhe në aerodinamikë.
Duke nisur nga pesha, makinat e reja do të kenë goma dukshëm më të mëdha dhe tjetër strukturë mbajtëse. Pjesa e përparme e makinës do të zvogëlohet duke ulur njëkohësisht efektshmërinë e sistemit DRS.
Ndryshimet do sjellin gara shumë më kompetitive dhe më spektakolare për shikuesit tregon Ross Brown një prej drejtuesve të Formula 1. Njëvendëshet e reja u prezantuan këtë fundjavë në Silverstone, atje ku është dhe stacioni i radhës i kalendarit të këtij sezoni.
