Këngëtarja e njohur Shkurte Gashi u bë nënë për herë të parë në muajin dhjetor. Ajo e mbajti të fshehtë lajmin e shtatzënisë dhe partnerin e saj. Shkurte Gashin nuk e pamë asnjëherë me barkun e rrumbullakosur dhe as nuk postoi foto apo video të foshnjës në momentin kur erdhi në jetë.
Së fundmi, këngëtarja ka vendosur të mos fshihet më, pasi ka prezantuar familjen e saj në publik. Pas shumë kohësh, ajo shfaqet në një intervistë televizive, por këtë herë nuk është vetëm, por e shoqëruar nga partneri, Alberit Limani dhe djali i saj, Mali
E ftuar në emisionin “Nin”, që do transmetohet, të dielën Shkurte Gashi ka folur për të pathënat e jetës saj dhe arsyen pse mori vendimin për mbajtur jetën private aq të fshehtë.
“Çdo ditë jam zgjuar me frikën mos më ndodh mua diçka, sepse brenda vetes kisha dhe një shpirt tjetër. Ka qenë një tragjedi për ne,”- dëgjohet duke thënë në një pjesë të intervistës, ndërsa nuk dihet ende se për çfarë ngjarje të rëndë është përballur këngëtarja gjatë periudhës së shtatzënisë.
