Një ngjarje e rëndë është regjistruar në Nafpaktia të Greqisë, ku një 45-vjeçar dyshohet se ka përdhunuar vajzën e vet 14-vjeçare. Sipas mediave greke, bëhet fjalë për persona që nuk janë me origjinë greke, ndërsa nuk përcaktohet nga cili shtet janë.
Ndër të tjera, raportohet se denoncimi në polici është bërë nga anëtarët e familjes. 14-vjeçarja iu nënshtrua një ekspertize mjekoligjore, ndërsa 45-vjeçari është marrë në paraburgim.
Për momentin, asnjë vendim specifik nuk është marrë në lidhje me gjykimin e çështjes, pasi priten rezultatet e ekzaminimeve mjeko-ligjore, të cilat do të çojnë në zbardhjen e ngjarjes së rëndë.
