Kuvendi i Partisë Demokratike do të mblidhet këtë të shtunë në orën 10:30 në Pallatin e Kongreseve.
Në të është rënë dakord për modalitetin se si do t’i bëhet analiza për zgjedhjet e 25 prillit.
Mësohet se në mbledhjen e Kuvendit është përcaktuar edhe rendi i ditës, ku fillimisht do të informohet për masakrën zgjedhore të 25 Prillit. Pas kësaj do të përcaktohen linjat kryesore të strategjisë politike të PD.
Në pikën e dytë është parashikuar që të vlerësohet mundësia për ndryshime në statutin e PD-së.
Këto lëvizje në radhët e PD-së vijnë pas zgjedhjeve për kryetar, ku Lulzim Basha u konfirmua me mandatin e tretë radhazi.
Detajet bëhen të ditura nga sekretariati organizativ i PD i cili në një mesazh drejtuar anëtarsisë u kërkon atyre të jenë prezentë dhe të pajisen me kartë identiteti.
Mesazhi drejtuar anëtarësisë:
I nderuar anetar i Kuvendit Kombetar te PD,
Ju njoftojme se mbledhja e Kuvendit do te zhvillohet diten e shtune, date 17.07.2021, ora 10:30, ne ambientet e Pallatit te Kongreseve ne Tirane.
Ju lutemi te jeni prezent dhe me vete te keni karten tuaj te identitetit.
Sekretariati Organizativ i Partise.
