Doni më për Belulin, ka qenë një skeç i të madhit Fuat Boçi, aktorit të Fierit, para viteve ´90. Sot rolin e Belulit e mori Edi Rama, i cili nuk ndali lavdet për veten, në mes të një konference që po zhvillohet në Athinë.
I pranishëm në edicionin e 23-të “Symi Symposium” në Greqi, organizuar e drejtuar nga ish-kryeministri George Papandreou dhe me pjesëmarrje personalitetesh të njohura të politikës, ekonomisë dhe botës akademike ndërkombëtare, mbi sfidat dhe projektet e post-pandemisë, Rama u shpreh se ai është kryeministri më i mirë mes piktorëve dhe piktori më i mirë mes kryeministrave, megjithëse Xhorxh bush u përpoq por nuk ia doli.
“Faleminderit që më përmende për atë që jam. Jam kryeministri më i mirë mes piktorëve dhe piktori më i mirë mes kryeministrave.
Këtu jam i pashoq. Askush nuk më sfidon këtu, Xhorxh Bushi u përpoq, por nuk ia doli dot sfidës. Ne në Ballkan kemi nevojë të themi që ne jemi më të mirët në botë për diçka”, tha Rama.
