Momenti i relaksit ka mbërritur. Blutë e Roberto Mancini, pas fitores së madhe në “Euro 2020”, kanë nisur pushimet e merituara, duke pasur parasysh muajin intensiv midis “Coverciano”, “Olimpico” dhe “Wembley”. Tani fillon sulmi axurr mbi destinacionet më të njohura turistike për futbollistët. Nga Sardenja në ishujt spanjollë ose grekë, duke kaluar një relaks familjar.
Secili me programin e tij, por i pari që hapi “vallen” ishte Federico Bernardeschi, i cili u martua dje me Veronica Ciardi (ish-konkurente e “Big Brother”) në Carrara-n e tij. Në katedrale, prifti i kurorëzoi si çift, teksa futbollisti i Juventusit i vendosi në gisht partneres unazën e blerë së fundmi.
Shkuarja në altar është punë e kryer, menjëherë i pret muaji i mjaltit. Para fillimit të kremtimit, At Luigi e pyeti Bernardeschi: “A jeni më i ngazëllyer sot apo kur shënuat penalltinë në finale?” Futbollisti e kaloi gjithçka me të qeshur, pa dhënë përgjigje konkrete…
