Nënkryetari i LSI, Petrit Vasili, ka reaguar lidhur me dosjen që u dërgua nga SPAK në GJKKO për ish-Kryebashkiakun e Pogradecit, Eduart Kapri, dhe disa ish-zyrtarëve të Bashkisë.
Vasili e cilëson këtë veprim nga SPAK si një estradë shëtitëse, ndërsa shprehet se drejtësia me regji, dha sot shfaqjen në Pogradec.
“Nga Lushnja në Pogradec, Estrada shëtitëse drejtësia me regji vazhdon turneun e shfaqjeve anë e mbanë atdheut.
Pritet data e shfaqjes se radhës.
Në Tiranë nuk do të ketë shfaqje se këtu është teatri, inceneratorët, krimi zgjedhor i 25 prillit, tenderat sekrete qindra milionësh të qeverisë etj etj ndaj shfaqja e Tiranës është anuluar nga Estrada shëtitëse apo drejtësia me regji!”, shkruan Vasili.
Postimi nga Petrit Vasili
Estrada shëtitëse, drejtësia me regji, shfaqje në Pogradec!!
Asnjë surprizë!!
Ashtu siç edhe pritej drejtësia me regji u spostua për të dhënë shfaqje në Pogradec.
Ashtu pritet edhe “përmbytja” me regji e mediave me lajmin e ” madh” të tenderit të druve të zjarrit të Bashkisë Pogradec të disa viteve më parë si dhe të dy puntorëve, që i kanë vënë drynin nja dy shkollave për votimet moniste të 30 qershorit 2019, ashtu priten edhe ca deklarata emocionuese ndërkombëtarësh, ashtu priten edhe ca analiza “metereologjike” analistësh, që do tregojnë qe nga ” shenjat” do bjerë shi “drejtësie” në atdhe.
Nga Lushnja në Pogradec, Estrada shëtitëse drejtësia me regji vazhdon turneun e shfaqjeve anë e mbanë atdheut.
Pritet data e shfaqjes se radhës.
Në Tiranë nuk do të ketë shfaqje se këtu është teatri, inceneratorët, krimi zgjedhor i 25 prillit, tenderat sekrete qindra milionësh të qeverisë etj etj ndaj shfaqja e Tiranës është anuluar nga Estrada shëtitëse apo drejtësia me regji!
