Hektor Idrizaj ishte një nga lojtarët e larguar në këtë merkato vere. Mbrojtësi i linjës së djathtë nuk arriti të bindte te skuadra e Partizanit dhe kësisoj drejtuesit e klubit e larguan. Vlonjati ishte në stol në sezonin që lamë pas duke humbur vendin e titullarit pas formës së jashtëzakonshme të Esat Malës.
Së fundmi mbrojtësi i djathtë ka nisur stërvitjen individuale. Ai ka bërë një postim në rrjetet sociale ku shfaqet duke u stërvitur nën kujdesin e Roland Peqinit. Pritet me interes të shihet se cila do të jetë e ardhmja e tij në këtë periudhë “hyrje-dalje”.
