Babë e bir kanë rënë në prangat e policisë së Fierit pasi akuzohen për kultivim të lëndëve narkotike.
Sipas njoftimit të uniformave blu, u bë arrestimi i shtetasve Ylli Shurdha, 60 vjeç dhe Mikel Shurdha, 34 vjeç (babë e bir), banues në Kuman, Roskovec.
Arrestimi i këtyre shtetasve u bë pasi gjatë kontrollit të ushtruar në territorin e banesës së tyre, iu gjetën dhe sekuestruan në cilësinë e provës materiale 2.3 kg lëndë narkotike cannabis sativa dhe fidanë të dyshuar cannabis sativa.
Materialet procedurale i kaluan Prokurorisë pranë Gjykatës së Shkallës së Parë Fier, për veprat penale “Prodhimi dhe shitja e narkotikëve” dhe “Kultivimi i bimëve narkotike”.
