Të gjithë bien dakord që Roberto Mancini është arkitekti i kësaj Italie. “Do bazohem te kualiteti, loja e bukur dhe lojtarët e rinj”, deklaroi trajneri italian kur mori drejtimin e kombëtares në majin e vitit 2018.
Gianni De Biasi, ish-trajneri i kombëtares tonë, analizon fitimin e Euro 2020 nga Italia, duke treguar edhe sekretin e skuadrës së kaltër.
“Mancini krijoi një grup shumë të bukur. Sekreti i kësaj Italie ishte puna si skuadër, serioziteti i trajnerit dhe Federatës, dhe mbi të gjithë mjedisi i shëndetshëm e pa probleme.
Të gjithë janë të vendosur në detyrat e tyre, në funksion të qëllimit të përbashkët“, deklaron De Biasi, ish-trajneri i kombëtares shqiptare në vitet 2011-2017
