Meterologia e MeteoAlb, Lajda Porja në një lidhje të drejtpërdrejtë me RTV Ora na njohu me parashikimin e motit për ditën e sotme dhe javën në vazhdim. Sipas MeteoAlbn do të kemi rikthim të masave ajrore të nxehta dhe temperatura të cilat do të arrijnë në 39 gradë gjatë fundjavës.
Java ka nisur pak e freskët. Sot temperaturat parashikohen të jenë në vlerën 32-33 gradë. Megjithatë kjo situatë është e përkohshme.
Duke filluar nga nesër presim riaktivizim të masave ajrore afrikane duke bërë që dita e martë dhe e mërkurë, të paktën në orët e paradites do mbeten me temperatura të larta deri në 39 gradë.
Kryesisht në qarkun e Elbasanit dhe Beratit temperatura do t’i afrohet vlerës 40 gradë. Temperatura më e lartë në 10 vjeçarin e fundit është regjistruar në Gjirokastër në vitin 2017. Edhe 2019 ka sjellë vlera të larta, ku temperaturat më të larta janë regjistruar në Gjirokastër, Kuçovë, zona të caktuara të Elbasanit.
E marta dhe e mërkura, pjesërisht dita e enjte do të jenë ët nxehta, ndërsa dita e premte dhe fundjava do të sjellin freskim të motit. Ditën e premte dhe në fundjavë termometri nga 38-39 gradë që do shënojë gjatë javës, pritet të zbresë sërish në vlerat jo më shumë se 33 gradë.
parashikohet që java të jetë e nxehtë dhe fundjava e freskët. vija bregdetare në Velipojë vlerat do të jenë në 33-347 gradë, pak më freskët do jetë Gjiri i Lalzit, Adriatiku dhe Durrësi në vlerat 32 gradë.
Korça, Erseka do ët kenë rrebeshe shiu të cilat do të jenë të premte dhe në fundjavë. Mund të rrezikohen momente me shi edhe qarku i Elbasanit dhe Tirana, po ashtu Kruja dhe Laçi do të kenë momente me rrebeshe. Nuk do të mungojë edhe ndonjë zonë e caktuar ku do të kemi breshër. Shpëton vija bregdetare, ku mund të ketë vetëm ndonjë moment shiu në Dhërmi ose Llogara.
