Aktivisti dhe pedagogu, Erion Kristo, përmes një postimi në rrjetet sociale, i është drejtuar SPAK-ut që të përmbushë misionin për të cilin u krijua.
Kristo, ndërsa inkurajon SPAK për arrestimet e fundit, shprehet se kjo strukturë u krijua që të merret me balenat dhe peshkaqenët.
“Unë e inkurajoj SPAK-un në arrestimet e fundit. Korrupsioni duhet të goditet në të gjitha nivelet. Por nëse nuk shohim së shpejti politikanë të lartë përpara drejtësisë, misioni i SPAK është i papërmbushur. Askush nuk mund të na hedhë hi syve.
Kjo strukturë lindi që të merret me balenat dhe peshkaqenët. Dëmet e tyre janë të dukshme. Ndaj dhe dënimi i tyre duhet të jetë i dukshëm”, thekson Kristo.
