Nga Boldnews.al
Alko Impex, në pronësi të Arbër Abazit, nipit të deputetit deri në shtator Sadri Abazi, ka qenë një nga kompanitë më të preferuara të Rilindjës gjatë këtyre 8 viteve. Kjo firmë ka operuar kryesisht në biznesin e pistë, por fitimprurës, të plehrave.
Sipas të dhënave, kjo kompani ka arritur të marrë më shumë se 30 milionë euro nga tenderat e dyshimtë të bashkive, aq të kritikuara së fundmi nga kryeministri Edi Rama. Por, kryeministri ka harruar Lali Erin, që ka fond sa 80 % e bashkive të tjera dhe që nipit të Sadri Abazit i ka dhënë mbi 12 milionë euro tendera. Por, “laku” sa po vjen dhe ngushtohet për këtë firmë. Shenja e parë është largimi i Sadriut si deputet, pasi ai nuk i kandidua më 25 qershor. Dhe shenja e dytë ishte përjashtimi i firmës së nipit të tij, Alko Impex, nga tenderi 2 milionë euro i pastrimit në Lezhë. Bashkia e Lezhës ka faktuar se kjo firmë ka paraqitur dokumente false në një procedurë tenderuese, duke ngritur hije të mëdha dyshimi se edhe tenderat e mëparshëm i ka marrë me falsifikime dhe mashtrime.
Ndërkohë, pas faktimit të këtij falsifikimi në Lezhë, drejtuesit e kësaj kompanie që kanë lidhje të forta politike, i ka zënë frika. Ata janë tërhëqur në mënyrë të beftë nga tenderi në Bashkinë e Cërrikut. Bëhej fjalë për një tender me vlerë mbi 200 mijë euro, ku firma Alko Impex e kishte fituar, pasi kishte dhënë ofertën më të ulët. Por, pavarësisht se u shpall fituese, ajo u tërhoq në momentin e lidhjes së kontratës.
Sipas dokumenteve që disponon BoldNews, Bashkia e Cërrikut kishte hapur tenderin me objekt “shërbimi i pastrimit, grumbullimit dhe largimit të mbetjeve të qytetit të Cërrikut dhe Njësive Administtative”. Oferta më e ulët në këtë procedurë ka qenë ajo e Alko Impex, që ka ofruar 21.915.904 lekë. Ndërkohë, “Rej” ka ofruar 21.769.893 lekë dhe “Viola Green” 24.885.393 lekë.
Sipas dokumenteve që disponon BoldNews, Alko Impex ka pasur ofertën më të ulët. “Në ambientet e Bashkisë Cërrik në datë 21.05.2021 ka mbërritur shkresa “tërheqje nga procedura e prokurimit…”, për arsye objektive.
Sipas dokumentit, OE ka pritur përfundimin e vlerësimit pa një vendim përfundimtar, pasi me këtë shkresë Alko Impex ka paraqitur kërkesë pqr të mos marrë në shqyrtim ofertën e paraqitur, duke u tërhequr nga pjesëmarrja në këtë procedurë.
Pra, në momentin që do të arkëtonte këtë shumë, Alko Impex u tërhoq. Tërheqja nga politika e Sadri Abazit solli edhe këtë largim? Apo ndoshta një hetim i mundshëm i SPAK për të tjera procedura ka sjellë këtë situatë? A janë paraqitur edhe në këtë procedurë dokumente false si në Lezhë apo më procedura të tjera?
Duket se loja e tenderëve, të denoncuar në vazhdimësi nga BoldNeës, sapo ka filluar. Dhe, tenderat e fituar nga kjo kompani, apo lidhjet e saj me politikanë qendrorë dhe lokalë, i cilësojnë Abazët edhe si “peshqit e mëdhenj”.
