Një aksident i frikshëm u regjistrua mesditën e sotme në Thumanë, ku një automjet u përplas me bordurën metalike në anë të rrugës. Bordura metalike, hyri në mes të automjetit, por fatmirësisht shoferi shpëtoi. Ai mori vetëm disa plagë të lehta në pjesën e kokës dhe u transportua për në spital.
Ky shofer mund të quhet edhe, njeriu më me fat për momentin, pasi aksidenti është me të vërtetë me përmasa të frikshme.
Policia njofton se shoferi i mjetit ka qënë shtetasi A.B.,23 vjeç i cili ka humbur kontrollin duke u përplasur me barrierën anësore të rrugës ,ku për pasojë ka marrë dëmtime dhe ndodhet nën kujdesin mjekësor, jashtë rrezikut për jetën.
Njoftimi i policisë:
Në aksin rrugor Thumanë-Lezhë, në afërsi të një karburanti, mjeti tip “Volkswagen” me drejtues shtetasin A.B.,23 vjeç , ka humbur kontrollin duke u përplasur me barrierën anësore të rrugës ,ku për pasojë ka marrë dëmtime dhe ndodhet nën kujdesin mjekësor, jashtë rrezikut për jetën.
Grupi hetimor në vendngjarje punon për sqarimin e plotë të shkakut dhe rrethanave të ngjarjes.